Autor: Machiel Kiel
Botues: AIITC
Viti: 2012
Vendi i botimit: Tiranë
Numri i faqeve: 413
“Historia e Arkitekturës Osmane në Shqipëri” e Machiel Kiel-it ofron informacion të gjerë dhe shumë interesant mbi objektet e arkitekturës osmane në Shqipëri, të ndërtuara përgjatë shumë viteve dhe që kanë bërë pjesë të kulturës sonë kombëtare, duke pikturuar panoramën e qytetit shqiptar gjatë periudhës mesjetare.
Autori, i pasionuar pas kontemplimit dhe studimit të kësaj panorame, gjen frymëzimin dhe inspirimin në hartimin e një monografie me një pasuri informacioni të ri dhe interesant mbi ngjyrat, kompleksitetet dhe përmasat e arkitekturës osmane të hapësirës shqiptare.
Ai shpreh admirim për atë çka është arritur dhe që ende ekziston si dëshmi dhe element i një qytetërimi. Por ai ndjen keqardhje dhe dëshpërim për atë çka është shkatërruar dhe mbetet vetëm si imazh.