Bazuar në përkthimin e Prof. Hasan I. Nahi
Botues: AIITC
Viti: 2010
ISBN: 99943-703-8-3
Kurani i Madh është libri i shenjtë i besimit islam, konsideruar si themeli i moralit dhe përsosmërisë së njeriut në çdo aspekt.
Meqë mbi 70 përqind e popullsisë shqiptare i përket kësaj feje, janë bërë gjithmonë përpjekje për ta përkthyer Kuranin në shqip, gjë që dëshmon tendencën e vazhdueshme dhe të pandalshme për njohjen e tij.
Meqë Kurani është një tekst i shenjtë, është e vështirë të mendohet se një gjuhë tjetër përveç origjinalit mund të përcjellë në mënyrë të përsosur kuptimet dhe implikimet e tekstit, pa lënë asnjë dyshim, kufizim apo keqkuptim që mund të cenojë një kuptim të thellë dhe praktikë fetare të nivelit të lartë.
Ky pohim është në përputhje me qëndrimin e përgjithshëm të fesë islame mbi mundësinë e përkthimit të Kuranit. Megjithatë, Kurani nuk kufizohet te një popull i caktuar, por i drejtohet të gjithë njerëzimit.
AIITC e ka ribotuar Kuranin në katër formate të ndryshme:
* Së pari, shqip-arabisht
* Së dyti, vetëm shqip
* Së treti, format xhepi, vetëm tekst
* Së katërti, në version DVD dhe CD audio
* Një format i pestë pritet së shpejti: një faqe shqip dhe një faqe arabisht.
LEXO KURANIN E MADH ONLINE